Gəncədə keçiriləcək “Halloween Party” bəzi sakinlərin narazılığına səbəb olub.
Gencexeber.az-ın məlumatına görə, Gəncədə oktyabrın sonlarında “Halloween Party” tədbirləri təşkil ediləcək. Lakin ölkənin ikinci ən böyük şəhərində bu sahədə çalışan şirkətlərdən birinin tədbirə hazırlıq prosesi zamanı çəkilən videogörüntülər bir qrup sakin arasında qızğın müzakirələrə və narazılığa səbəb olub.
Onlar belə bayramların şəhərin adət-ənənələrinə və mədəni dəyərlərinə uyğun gəlmədiyi barədə fikirlər səsləndirib. Tədbirin tənqidçiləri qeyd edirlər ki, “Halloween” uşaqların şüuruna yad mədəniyyət elementlərini daxil edir və onları daha vacib yerli bayramlardan yayındırır. Həmçinin insanlar bu kimi hadisələrin gənc nəslin tərbiyəsinə pis təsir edə biləcəyini də bildiriblər.
