Bakı-Qazax magistral avtomobil yolunun Gəncə şəhərindən keçən hissəsində genişmiqyaslı ağacəkmə aksiyası təşkil olunub.
Gencexeber.az Gəncə Şəhər İcra Hakimiyyətinə istinadən məlumat verir ki, bölgənin torpaq-iqlim şəraitinə uyğun olaraq ərazidə 4 min Eldar şamı əkilib. Tədbir adıçəkilən qurumla yanaşı Mənzil Kommunal Təsərrüfatı İstehsalat Birliyinin təşkilatçılığı ilə baş tutub.
Qədim “İpək yolu” üzərində keçirilən aksiyanın məqsədi ictimaiyyətin diqqətini yaşıllıqların bərpasına və artırılmasına yönəltmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir.
Qeyd edək ki, “Yaşıl dünya naminə həmrəylik ili”nə həsr olunan ağacəkmə aksiyası üç gündür ki, davam edir. Bu müddət ərzində sözügedən ərazidə ümumilikdə 5 450 ağac əkilib. Növbəti 5 gün ərzində isə əlavə olaraq 5 000-dək ağacın əkilməsi nəzərdə tutulur.
Aksiyada ali təhsil ocaqlarının, müxtəlif müəssisə, qurumların rəhbərləri, eləcə də Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop və Gürcüstanın Gəncədəki Baş konsulu Qaxaber Abdaladze iştirak ediblər.
[caption id="attachment_68073" align="alignnone" width="696"]
[/caption]
[caption id="attachment_68075" align="alignnone" width="696"]
[/caption]
[caption id="attachment_68076" align="alignnone" width="696"]
[/caption]
[caption id="attachment_68077" align="alignnone" width="696"]
[/caption]
