Gəncədə bu gün yağan yağışdan sonra bəzi həyət və evlərə su dolub.
Gencexeber.az məlumat verir ki, hadisə Məhsəti qəsəbəsi Müşviq Adıgözəlov küçəsində qeydə alınıb. Sakinlərin sözlərinə görə, bu hal artıq bir neçə dəfə təkrarlanıb.
Belə ki, güclü yağışdan sonra yağış və sel suları bu küçədə olan həyətlərə, evlərə və zirzəmilərə dolur. Buna səbəb kimi sakinlər ərazidə kanalizasiya və yağış sularının axması üçün xətlərin olmadığını göstəriblər.
Qeyd edək ki, küçə sakinlərinin dəfələrlə aidiyyətı qurumlara müraciəti cavabsız qalıb.
Nahidə Vəliyeva
