Goranboy rayonunun Veyisli kəndində yanğın baş verib.
Ümumi sahəsi 95 kvadrat metr olan kürsülü, birmərtəbəli 2 otaqlı evin mətbəxinin yanar konstruksiyaları və içərisində olan ev əşyaları 20 kvadrat metr sahədə yanıb.
Report-un məlumatına əsasən, 1998-ci il təvəllüdlü Vüsalə Mamedova azyaşlı uşaqlarını qonşusunun evində nəzarətsiz qoyub. Bu zaman qadının böyük oğlu (azyaşlıdır) kibritlə ehtiyatsız davranması nəticəsində evin mətbəxində yanğın baş verib. Nəticədə 6 aylıq körpə ağır yanıq xəsarətləri alıb. Göstərilən tibbi yardımlara baxmayaraq onun həyatını xilas etmək mümkün olmayıb.
Alovun qarşısı yanğından mühafizə bölmələri tərəfindən alınıb.
[modula id="65137"]
