Gədəbəy rayonunun Parakənd kəndində vanna otağında partlayışda yaralanan şəxsin vəziyyəti ağırdır.
Bu barədə Gencexeber.az-ın sorğusuna cavab olaraq Tibbi Ərazi Bölmələrinin İdarəetmə Birliyindən (TƏBİB) bildirilib.
Qeyd edilib ki, 1996-cı il təvəllüdlü şəxs (qadın cinsli) 07.10.2024-cü il tarixində saat 02:50 radələrində Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə dəqiqləşdirilməmiş lokalizasiyalı və dəqiqləşdirilməmiş dərəcəli terminal yanıq diaqnozları ilə hospitalizasiya olunub.
Pasiyentə zəruri tibbi xidmətlər göstərilib. Hazırda Reanimasiya şöbəsində müalicəsi davam etdirilir, vəziyyəti ağırdır.
09:52
Gədəbəy rayonunun Parakənd kəndində vanna otağında qaz sızmasından partlayış olub.
Report xəbər verir ki, hadisə nəticəsində 1996-cı il təvəllüdlü A.Cəfərova ağır yanıq xəsarətləri alıb. O, əvvəlcə Gədəbəy Mərkəzi Rayon Xəstəxanasına, sonra Gəncədə yerləşən xəstəxanlaradan birinə aparılıb.
A.Cəfərovanın vəziyyəti ağır qiymətləndirilir.
Faktla bağlı araşdırma aparılır.
Nəzrin Vahid
