Dövlət İmtahan Mərkəzi (DİM) qadın əməkdaşların işə qəbuluna start verib.
Gencexeber.az məlumat verir ki, mərkəz tərəfindən keçirilən imtahanlar zamanı binalara buraxılış rejimini həyata keçirən xanım işçilərin cəlb olunması məqsədilə namizədlərin elektron qeydiyyatına başlanılır. Proses 20 noyabr saat 10:00-dək davam edəcək.
Qeydiyyatdan keçmək üçün Azərbaycan Respublikasının vətəndaşı olan, məhkumluğu olmayan, ali və ya orta ixtisas təhsilli, tabeliyindən və mülkiyyət növündən asılı olmayaraq hər hansı bir təşkilatda hal-hazırda rəsmi işləyən (və ya iş yerinin olub-olmamasından asılı olmayaraq pedaqoji profilli ixtisaslar üzrə bakalavr dərəcəsi olanlar), yaşı 21-40 arasında, həmçinin fiziki və psixoloji cəhətdən sağlam qadın əməkdaşlar müraciət edə bilərlər. Zal nəzarətçisi kimi müraciət edən şəxslərin buraxılış rejimi əməkdaşı qismində iştirakına icazə verilmir.
İlk olaraq namizədlər Dövlət İmtahan Mərkəzinin dim.gov.az səhifəsinə daxil olaraq “Şəxsi kabinet”ə keçid etməli və yeni şəxsi kabinet (Öncədən şəxsi kabineti olan şəxslər həmin kabinetin parolundan istifadə etməlidir) yaradılmalıdır. Daha sonra qeydiyyatdan keçməlidirlər. Qeydiyyat və müsahibə mərhələsi ödənişsizdir.
Əlavə məlumatı aşağıdakı linkə daxil olaraq almaq mümkündür:
