Sentyabrın 16-da Daşkəsənin bütün ümumtəhsil məktəblərində ənənəvi Bilik Gününə həsr edilmiş bayram tədbirləri keçirilib.
Gencexeber.az-a Daşkəsən Rayon İcra Hakimiyyətindən verilən məlumata əsasən, tədbirlər Dövlət Himnimizin səsləndirilməsi və Ümummilli Lider Heydər Əliyevin, o cümlədən şəhidlərimizin əziz xatirələrini yad etməklə başlayıb.
Eləcə də, qurumun başçısı Orxan Abbasov Quşçu kənd Ə.İsmayılov adına tam orta məktəbdə təşkil olunan Bilik Günü tədbirində iştirak edib. Orada şagirdlərin hazırladıqları bədii kompozisiyalar nümayiş etdirilib.
Rayonun bütün ümümtəhsil məktəblərində ilk dərs “Yaşıl dünya naminə həmrəylik” mövzusuna həsr olunub.
