Goranboy Olimpiya İdman Kompleksində yeniyetmələr arasında cüdo üzrə “Goranboy CUP” adlı Beynəlxalq turnir baş tutub.
Gencexeber.az Goranboy Rayon İcra Hakimiyyətinə istinadən məlumat verir ki, turnirə Azərbaycan, Polşa, Estoniya, Küveyt, Latviya, Lüksemburq, Qazaxıstan, Qırğızıstan, Gürcüstan, Türkiyə və Dağıstanın 600-ə yaxın idmançısı və Cüdo federasiyasının nümayəndələri qatılıblar.
Turnirin mükafatlandırma mərasimində rayon İcra Hakimiyyəti başçısının birinci müavini Seymur Nazarov, Gəncə-Daşkəsən Regional Gənclər və İdman İdarəsinin rəisi İntiqam Hüseynov, Türkiyə Cümhuriyyəti Gəncə Baş konsulluğunun vitse-konsulu Yigit Soyal və digər fəxri qonaqlar iştirak ediblər.
