Bu həftə Qərb bölgəsində baş tutacaq idman tədbirlərinin siyahısı açıqlanıb.
Gencexeber.az Gənclər və İdman Nazirliyinə istinadən məlumat verir ki, oktyabrın 14-dən 20-dək sözügedən zonada keçiriləcək tədbirlərin siyahısı aşağıdakı kimidir:
- 2010-2011-ci il təvəllüdlü yeniyetmə oğlanlar arasında həndbol üzrə Ağstafa rayon birinciliyi - 15 oktyabr, saat 10:00 (Ağstafa rayon H.Əzizov adına Vurğun qəsəbə tam orta məktəb);
- "Yaşıl dünya naminə həmrəylik ili"nə həsr olunmuş voleybol üzrə 2009-2010-cu il təvəllüdlü yeniyetmələr arasında Şəmkir rayon birinciliyi - 15 oktyabr, saat 10:00 (Şəmkir şəhər Fərman Salmanov adına tam orta məktəb);
- Boks üzrə idman ustası, Əməkdar məşqçi Mahir Hüseynovun xatirəsinə həsr olunmuş turnir - 16-19 oktyabr, saat 10:00 (Gəncə Olimpiya İdman Kompleksi);
- 100 metr məsafəyə qaçış üzrə Samux rayon turniri - 16 oktyabr, saat 11:00 (Samux rayon Parkı);
- 18 Oktyabr - Müstəqilliyin Bərpası Gününə həsr olunmuş ümumtəhsil məktəbləri arasında stolüstü tennis üzrə turnir - 16-17 oktyabr, saat 14:00 (Daşkəsən rayon Uşaq-Gənclər İdman-Şahmat Məktəbi);
- "İdman hamı üçün" layihəsi çərçivəsində futbol üzrə nümunəvi çıxışlar - 18 oktyabr, saat 16:00 (Göygöl rayon Mərkəzi Stadionu);
- "Yaşıl dünya naminə həmrəylik ili"nə həsr olunmuş 2009-2010-cu il təvəllüdlü oğlanlar arasında voleybol üzrə rayon turniri - 18-19 oktyabr, saat 11:00 (Gədəbəy rayon Slavyanka 2 saylı kənd tam orta məktəb);
- Atletika üzrə kros qaçışı üzrə ölkə payız çempionatı – 20-21 oktyabr (Göygöl).
