Bu gün gəncəli şəhid Nihad Verdiyevin anım günüdür.
Şəhidin ailəsinin Gencexeber.az-a verdiyi məlumata əsasən, qəhrəmanımızın xatirəsi anılacaq. Mərasim bu gün, sentyabrın 16-sı saat 11:00-da Gəncə şəhər Şəhidlər Xiyabanında baş tutacaq.
Daha sonra isə şəhidin bir vaxtlar yaşadığı evdə (Avtozavod qəsəbəsi, yeni məhəllələr) ehsan süfrəsi açılacaq. Anım mərasiminə hər kəs dəvətlidir.
Xatırladaq ki, Nihad Nicat oğlu Verdiyev 16 dekabr 2003-cü ildə Daşkəsən rayon Qaraqollar kəndində anadan olub. O, 2010-2021-ci illərdə Gəncə şəhərində yerləşən Kəlbəcər rayon 109 saylı tam orta məktəbdə təhsil alıb. Nihad 13 sentyabr 2022-ci ildə Ermənistan silahlı qüvvələrinin hücumunun qarşısını alarkən Laçın rayonunda şəhidlik zirvəsinə ucalıb.
