Qəsdən adam öldürməyə cəhddə təqsirləndirilən Yusif Məhərrəmov barəsindəki qərardan kassasiya şikayəti verilib.
Pravda.аz xəbər verir ki, şikayət Ali Məhkəmədə araşdırılacaq.
İttihama görə, hadisə 21 iyul 2024-cü il tarixdə, saat 21 radələrində Şəmkir şəhəri, Hərbi şəhərcikdə yerləşən mənzildə qeydə alınıb.
Belə ki, 1999-cu il təvəllüdlü Yusif Məhərrəmov həyat yoldaşı, 2006-cı il təvəllüdlü Laləzar Əhmədovaya qısqanclıq zəminində 20 bıçaq zərbəsi vurub. Yaralı Şəmkir Mərkəzi Rayon Xəstəxanasına çatdırılıb, həkimlər tərəfindən ona ixtisaslı tibbi yardım göstərilib.
Hadisəni törətməkdə şübhəli bilinən Yusif Məhərrəmov polis əməkdaşları tərəfindən saxlanılıb.
Gəncə Ağır Cinayətlər Məhkəməsinin hökmü ilə o, 14 il müddətinə azadlıqdan məhrum edilib.
