Dövlət Gömrük Komitəsinin (DGK) ərazi və ixtisaslaşmış gömrük idarələri tərəfindən ağacəkmə aksiyaları təşkil edilib.
Gencexeber.az DGK Mətbuat və İctimaiyyətlə Əlaqələr İdarəsinə istinadən məlumat verir ki, aksiyalar “Yaşıl dünya naminə həmrəylik ili” çərçivəsində baş tutub. Keçirilən tədbirlərdə Tibbi Xidmət İdarəsinin əməkdaşları Astara şəhərinin dənizkənarı park ərazisində, Balakən Gömrük İdarəsinin əməkdaşları Balakən şəhərindəki Heydər Əliyev parkında, Gəncə Gömrük İdarəsinin əməkdaşları Gəncə şəhəri ərazisində, “Şirvan” gömrük postunun əməkdaşları isə postun ərazisində müxtəlif növ dekorativ ağaclar əkiblər.
