Dönərdən zəhərlənən iki tələbənin müalicəsi davam etdirilir.
Bu sözləri Gencexeber.az-a Tibbi Ərazi Bölmələrinin İdarəetmə Birliyindən (TƏBİB) bildirilib.
Qeyd edilib ki, 10.10.2024-cü il tarixində saat 19:00-dan başlayaraq Qazax Rayon Mərkəzi Xəstəxanasına ümumilikdə 18 nəfər (7 kişi, 11 qadın cinsli olmaqla) zəhərlənmə şübhəsilə müraciət edib:
“Onların hər birinə zəruri tibbi xidmətlər göstərilib. 16 nəfər ambulator müalicə üçün evə buraxılıb, hazırda 2 nəfərin müalicəsi Təcili Tibbi Yardım bölməsində davam etdirilir, vəziyyətləri orta ağır olaraq qiymətləndirilir”.
Baş Prokurorluğun Mətbuat xidmətindən Gencexeber.az-a verilən məlumata görə, oktyabrın 10-u saat 19 radələrində Qazax şəhəri ərazisində yerləşən Bakı Dövlət Universitetinin Qazax filialının yeməkxanasında 18 nəfər tələbənin qida zəhərlənməsi şübhəsilə xəstəxanaya müraciət etməsi faktı ilə bağlı Qazax rayon prokurorluğunda araşdırma aparılır:
“Zəhərlənmənin səbəbinin müəyyənləşdirilməsi məqsədilə prokurorluq əməkdaşları tərəfindən Azərbaycan Respublikasının Qida Təhlükəsizliyi Agentliyi əməkdaşlarının iştirakı ilə yeməkxanadakı qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub. Zəhərlənmə nəticəsində xəstəxanaya müraciət etmiş 18 tələbə ambulator nəzarətə götürülməklə evlərinə buraxılıb”.
Nəzrin Vahid
10:37
Bir qrup tələbə yeməkdən zəhərlənib.
Qafqazinfo-nun verdiyi məlumata əsasən, hadisə dünən saat 19 radələrində Bakı Dövlət Universitetinin Qazax filialının bufetində qeydə alınıb. Burada dönər yeyən 18 tələbəyə zəhərlənmə diaqnozu qoyulub. Həmin tələbələrə ilkin tibbi yardım göstərildikdən sonra buraxılıblar.
Onlardan 12-si Gəncəbasar bölgəsindəndirlər. Həmin tələbələrin siyahısı aşağıdakı kimidir:
