Gəncəli idmançı beynəlxalq turnirdə növbəti uğur əldə edib. Bu haqda 30 noyabr tarixində Regional Gənclər və İdman İdarəsinə istinadən məlumat veririk.
Bakıda hərbçilər arasında güləş üzrə XXXVI Dünya Çempionatı start götürüb. Burada 18 ölkədən müxtəlif çəki dərəcələrində 176-sı kişi, 46-sı qadın olmaqla, ümumilikdə 222 idmançı mübarizə aparır.
Respublikamızı təmsil edənlər arasında Nizami yurdunun yetirməsi Turan Bayramov da yer alıb. O, 74 kiloqram çəki dərəcəsində çıxış edib. İdmançımız bürünc medala layiq görülüb.
Qeyd edək ki, çempionat 3 dekabradək davam edəcək.
