Gəncədə təhsil alan tələbə uğur əldə edib. Bu haqda 22 aprel tarixində İcra Hakimiyyətinə istinadən məlumat veririk.
Səhiyyə Nazirliyi Heydər Əliyevin anadan olmasının 101-ci ildönümünə həsr olunmuş “Sən elə bir zirvəsən” respublika ifa müsabiqəsi keçirib. Burada Gəncə Tibb Kollecinin Laborator diaqnostika ixtisası üzrə 3-cü kurs tələbəsi Fatimə Qocayeva kolleclər arasında bəstəkar mahnısı üzrə mübarizə aparıb. Tələbəmiz respublika birincisi olub. O, Fikrət Qocanın sözlərinə Sevil Əliyevanın bəstələdiyi “Ana” mahnısı ilə çıxış edib.
Yarışda 10-a yaxın müxtəlif şəhər və rayonları təmsil edən kolleclərin tələbələri mübarizəyə qatılıblar. Münsiflər heyətində Xalq artisti Samir Cəfərov, Əməkdar artist Təyyar Bayramov, tanınmış xanəndə Babək Niftəliyev və Teyyub Aslan yer alıblar.
