Gəncəli şahmatçı ilkə imza atıb. Bu haqda 29 aprel tarixində Şahmat Federasiyasına istinadən məlumat veririk.
Söhbət Nizami yurdunun yetirməsi Ülviyyə Fətəliyevadan gedir. Həmyerlimiz Yunanıstanın Rodos şəhərində keçirilən Avropa çempionatında ölkəmizi təmsil edib. Burada 27 yaşlı qrosmeyster bütün rəqiblərini qabaqlayaraq birinci yeri tutub.
O, 10 qarşılaşmada 8,5 xal toplayıb. Sonuncu turda Fətəliyeva Gürcüstan təmsilçisi Nino Batsiaşvili ilə heç-heçə (0,5:0,5) edib.
Beləliklə, idmançımız Avropa çempionu titulunu qazanan Azərbaycanın ilk qadın şahmatçısı kimi tarixə düşüb.
