Goranboylu məktəbli Riyaziyyat-Məntiq olimpiadasında fərqlənməyi bacarıb.
Gencexeber.az məlumat verir ki, Goranboy rayonu Alpout kənd Əlövsət İsgəndərov adına tam orta məktəbin 5-ci sinif şagirdi Türkay Şəfizadə uğura imza atıb.
Türkay, Azərbaycan Respublikasının Təhsil İnstitutu tərəfindən hər il 5-ci sinif şagirdləri arasında təşkil olunan Lütfizadə adına Riyaziyyat-Məntiq olimpiadasında 2-ci yerə layiq görülərək gümüş medal qazanıb. Bu nailiyyət onun analitik düşüncə bacarığını və elmi biliklərə olan marağını bir daha nümayiş etdirib.
Qeyd edək ki, gənc istedad bundan əvvəl də bir çox beynəlxalq və yerli olimpiadalarda uğurla çıxış edərək mükafatlara layiq görülüb.
