Gəncədə təhsil alan məktəbli yarışda yüksək nəticə göstərib. Bu haqda 15 may tarixində Nizami Aydın adına 18 nömrəli tam orta məktəbinə istinadən xəbər veririk.
Söhbət Emil Ələkbərovdan gedir. Nizami Aydın adına 18 nömrəli tam orta məktəbin şagirdi paytaxtda keçirilən Respublika turnirində Juboksinq Jitsu idman növü üzrə yarışda mübarizə aparıb.
Emil Ələkbərov Heydər Əliyevin 101 illiyinə həsr olunmuş müsabiqədə birinci yerə layiq görülüb. O, yarışa 51 kiloqram çəki dərəcəsində qatılıb.
