Gəncəli gənc NASA müsabiqəsinə hazırlaşır. Bu haqda Gencexeber.az-a 8 fevral tarixində məlumat daxil olub.
Bir müddət öncə həmyerlimiz Sadiq Səfərov barədə xəbər paylaşmışdıq. Türkiyədə təhsil alan gəncimiz ABŞ-də keçiriləcək beynəlxalq “Human Exploration Rover Challenge” adlı müsabiqəyə vəsiqə qazanıb. O, yarışa “Bellatrix Space Team” komandasının tərkibində qatılacaq.
Səfərov “AY Rover”inin bütün texnik rəsmlərinin və dizaynının hazır olduğunu bildirir. Qurğu hazırda emal mərhələsindədir. Komanda gənclərin təhsil aldığı İstanbul Texniki Universiteti tərəfindən maliyyə dəstəyi alır.
Bundan başqa, Türkiyə Ali Təhsil Şurasının (Türkiyə universitetlərinin təhsil nazirliyi) sədri Erol Özvar gənclərlə görüşüb. Həmyerlimizin sözlərinə görə, Özvar komandaya tam dəstək olub. Gənclər haqda, həmçinin reportaj hazırlanıb.
Xatırladaq ki, Sadiq Səfərov Gəncə şəhər 27 saylı məktəb-liseyin məzunudur. Onun təmsil etdiyi “Bellatrix Space Team” komandası “Human Exploration Rover Challenge” müsabiqəsinə qatılmaq hüququ qazanan ilk türk komandasıdır.
[modula id="54474"]
