Gəncədə təhsil alan şagirdlər olimpiadada iştirak ediblər. Bu haqda 2 aprel tarixində Azərbaycan Respublikasının Təhsil İnstitutuna istinadən xəbər veririk.
Türkmənistan Respublikasının Arxadağ şəhərində riyaziyyat olimpiadası keçirilib. Müsabiqə Şərqin böyük mütəfəkkiri və şairi Məhtumqulu Fəraqinin 300 illiyinə həsr olunub.
Olimpiadada Fizika, riyaziyyat və informatika təmayüllü liseyin 5 şagirdi iştirak edib. Onlardan 8-ci sinif şagirdi Elvira Quliyeva və 7-ci sinif şagirdi olan Sübhan Muxtarlı bürünc medal əldə ediblər. Sübhan Muxtarlı olimpiadanın ən gənc iştirakçısı və ən gənc medalçısı olub.
Qeyd edək ki, yarışda 13 ölkədən olan 134 nəfər məktəbli iştirak edib.
