Gəncədə təhsil alan şagirdlər Beynəlxalq yarışda iştirak ediblər. Bu haqda 29 iyun tarixində 4 nömrəli xarici dil təmayüllü məktəb-liseyə istinadən xəbər veririk.
Şagirdlərin riyaziyyat, ingilis dili, məntiq, kimya, fizika, biologiya və incəsənət kimi müxtəlif sahələrdə bilik və bacarıqlarını sınayıb inkişaf etdirmələri üçün nəzərdə tutulmuş beynəlxalq “Future İntelligence Students Olympiad” (FİSO) yarışması olub. Burada Mehdi Mehdizadə adına 4 nömrəli xarici dil təmayüllü məktəb-liseyin VIII "I " sinif şagirdləri Nəbili Murad və Həsənova Rahilə mübarizə aparıblar. Məktəblilər Beynəlxalq Olimpiadada bürünc medala layiq görülüblər.
Olimpiadada tələbələrin elm və təhsil sahələrində öz potensiallarını kəşf etmələrinə və gələcəkdə bu sahələrdə uğur qazanmağa hazırlıq görmələrinə imkan yaradılıb. Burada onlar həm milli, həm də beynəlxalq mərhələlərdə öz bilik və bacarıqlarını nümayiş etdiriblər.
