Gəncəli idmançı Avropada uğur qazanıb. Bu haqda 15 aprel tarixində Regional Gənclər və İdman İdarəsinə istinadən məlumat veririk.
Polşanın Poznan şəhərində gənclər arasında Avropa Kuboku baş tutub. Burada ölkəmizi təmsil edən cüdoçular arasında Nizami yurdunun yetirməsi Könül Əliyeva da mübarizə aparıb. O, -48 kiloqram çəki dərəcəsində çıxış edib.
Final mərhələsində təmsilçimiz azərbaycanlı Fəridə Mirzəyeva ilə qarşılaşıb. Sonda Könül Əliyeva qızıl, rəqibi isə gümüş medalla turnirlə vidalaşıb.
Qeyd edək ki, çempionatda Azərbaycan yığma komandası medal əyarına görə ümumi hesabda 7-ci yeri, qızlar arasında isə 3-cü yeri tutub.
