Gəncəli idmançı yarışda yüksək nailiyyətlər əldə edib. Bu haqda Gencexeber.az-a 2 iyul tarixində məlumat daxil olub.
Söhbət Ayçin Ərəstun qızı Həsənlidən gedir. O, Qazaxıstanın Almatı şəhərində keçirilən Dünya Çempionatında iştirak edib. “World Championship Jhoon Rhee Taekwondo” yarışında idmançımız kikboksinq idmanı üzrə mübarizə aparıb.
16 yaşlı Ayçin Həsənli çempionatda kikboksinqin iki növü uzrə döyüşüb. İdmançı hər iki döyüşdə uğur qazanaraq Vətənə medallarla qayıdıb.
Qeyd edək ki, “World Championship Jhoon Rhee Taekwondo”da ümumilikdə 12 ölkə iştirak edib.
