Gəncəli idmançı beynəlxalq yarışda qalib olub. Bu haqda 24 iyul tarixində Regional Gənclər və İdman İdarəsinə istinadən məlumat veririk.
Macarıstanda Avropanın “Universiade” Oyunları keçirilib. Burada Nizami yurdunun yetirməsi Fərid Savadov da qüvvəsini sınayıb. Karateçimiz 60 kiloqram çəki dərəcəsində mübarizə aparıb.
O, Rumıniya, Türkiyə, Monteneqro, Macarıstan idmançıları ilə qarşılaşıb və qələbə qazanıb. Təmsilçimiz qızıl medalla təltif olunub.
Qeyd edək ki, Fərid Savadovun məşqçi-müəllimi Əziz Əzizovdur.
