Gəncəli idmançımız Avropa Kubokunda mübarizə aparacaq. Bu haqda 12 aprel tarixində Report-a istinadən xəbər veririk.
Söhbət cüdoçu Özqan Quliyevdən gedir. İdmançı aprelin 13-ü və 14-ü tarixlərində Almaniyanın paytaxtı Berlində keçiriləcək Avropa Kubokunda çıxış edəcək.
Cüdoçumuz 60 kiloqram çəki dərəcəsində gücünü sınayacaq. Ümümilikdə 37 ölkədən 776 idmançının qatılacağı birincilikdə oğlanlar arasında 7 çəki dərəcəsində 15 təmsilçimiz çıxış edəcək.
İdmançılara yeniyetmələrdən ibarət komandanın baş məşqçisi Rüstəm Alimli, məşqçilər Nicat Şıxəlizadə və Emin İskəndərov rəhbərlik edəcəklər.
