Gəncəli idmançı Avropa çempionu olub. Bu haqda 13 may tarixində İcra Hakimiyyətinə istinadən xəbər veririk.
Serbiyanın paytaxtı Belqradda Avropa çempionatı keçirilib. Burada parataekvondoçu İmaməddin Xəlilov mübarizə aparıb.
K-44 kateqoriyasında 70 kiloqram çəki dərəcəsində iştirak edən yığma üzvü finalda türkiyəli Fatih Çeliki məğlub edərək, qızıl medal qazanıb.
O, həlledici görüşədək Austin Osner (ABŞ) və Giorgi Nikoladzedən (Gürcüstan) də güclü olub. Bu, Xəlilovun ardıcıl 2-ci Avropa çempionluğudur. Yığmanın lideri bir il öncə Rotterdamda da fəxri kürsünün ən yüksək pilləsinə qalxıb.
