Gəncə şəhər komandası turnirdə uğurlu nəticələr əldə edib. Bu haqda 8 iyul tarixində Regional Gənclər və İdman İdarəsinə istinadən xəbər veririk.
Göyçay Olimpiya İdman Kompeksində Uşu Sanda idman növü üzrə klublararası turnir keçirilib. Müsabiqə Vətən müharibəsi şəhidlərinin xatirəsinə həsr olunub.
Turnirdə regionun yığma komandası ümumilikdə 10 qızıl, 4 gümüş, 1 bürünc medalla təltif olunub. Yarış ADFA Qərb Filialının Sədri, Azərbaycan Respublikasının Fəxri Bədən Tərbiyəsi və İdman İşçisi, Əməkdar Məşqçisi İlqar Alıyevin və regional sədr müavini Fəxri Namazlının rəhbərliyi ilə baş tutub.
