Gəncəli tələbə beynəlxalq yarışda iştirak edəcək. Bu haqda Gencexeber.az-a 26 oktyabr tarixində məlumat daxil olub.
Söhbət 27 saylı məktəb-liseyin məzunu Sadiq Səfərovdan gedir. Hazırda İstanbul Texniki Universitetində Mexanika Mühəndisliyi ixtisası üzrə II kursda təhsil alan gəncimiz NASA-nın müsabiqəsində iştirak hüququ qazanıb. Həmyerlimiz dostu ilə birlikdə "Bellatrix Space Team" komandası yaradıb. Onlar 19-20 aprel 2024-cü il tarixində ABŞ-də keçiriləcək beynəlxalq “Human Exploration Rover Challenge” adlı müsabiqəyə qatılacaqlar.
Gənc bildirir ki, yarışadək “AY Rover”i istehsal edib, beynəlxalq arenada təqdim edəcəklər.
Qeyd edək ki, müsabiqəyə çox sayda komandalar müraciət etsə də, sadəcə 42 universitetdən 72 komanda seçilib. Təmsilçimizin komandası İstanbul Texniki Universitetinin və Türkiyənin tarixində ilkə imza ataraq, burada iştirak hüququ qazanıb.
