Cəmi 5 yaşı olan Gəncə güləşçisi Bünyamin Məmmədov növbəti uğurunu qazanıb.
Gencexeber.az-ın məlumatına görə, Bünyamin Vasif Əliyev və Elçin Vəliyevin rəhbərliyi altında Tovuzda keçirilən şəhərlərarası birincilikdə 20 kiloqram çəki dərəcəsində mübarizə apararaq bütün rəqiblərinə qalib gəlib. O, medal və diplomla təltif edilib.
Qeyd edək ki, Bünyamin Məmmədov cari ilin aprel ayında Qax şəhərində keçirilən şəhərlərarası birincilikdə ikinci, may ayında Gəncə şəhər birinciliyində yenə ikinci, iyun ayında isə Gəncə İdman Klubunda təşkil olunmuş yarışda üçüncü yeri tutub.
