Respublika üzrə bilik göstəricisi yüksək və aktiv tələbələr arasında seçim aparılıb. Səs çoxluğu ilə "İlin tələbəsi" adına layiq görülən gənclər müəyyən edilib.
Gencexeber.az məlumat verir ki, sözügedən səsvermənin nəticələrinə görə Gəncə şəhəri üzrə Azərbaycan Texnologiya Universitetini (ATU) təmsil edən tələbə kimi Nuranə Füzuli qızı Abdullayeva seçilib.
Nuranə Abdullayeva hazırda Azərbaycan Texnologiya Universitetinin Yüngül sənaye və logistika fakültəsində, Nəqliyyat mühəndisliyi ixtisası üzrə II kurs tələbəsidir. O, həm təhsil göstəriciləri, həm də tələbə fəallığı ilə bu nüfuzlu seçimdə fərqlənib.
Qeyd edək ki, Nuranə Abdullayeva qazi qızıdır. O, eyni zamanda şəhid Firdovsi Abdullayevin əmisi qızıdır.
Qeyd edək ki, "İlin tələbələri" Azərbaycan Tələbələri, Express.Xeberler və Xəzər Xəbər TV-nin birgə təşkilatçılığı ilə "Telegram"da keçirilən səsvermənin nəticələrinə əsasən təyin edilib.
