Gəncəli məktəbli riyaziyyat olimpiadasından əliboş qayıtmayıb.
Gencexeber.az xəbər verir ki, Gəncə şəhər M.Mehdizadə adına 4 nömrəli xarici dil təmayüllü məktəb-liseyin 6e sinif şagirdi Gülnaz Abdullazadə beynəlxalq uğura imza atıb. O, FİSO 2025 Beynəlxalq Riyaziyyat Olimpiadasının Dubay şəhərində keçirilən Qlobal mərhələsində iştirak edib.
G.Abdullazadə yarış zamanı topladığı ballara görə gümüş medala layiq görülüb.
Qeyd edək ki, FİSO olimpiadası müxtəlif ölkələrdən minlərlə şagirdin iştirak etdiyi nüfuzlu yarışlardan biridir.
