Gəncə şəhər Fizika, Riyaziyyat və İnformatika Təmayüllü Liseyin (FRİTL) 2025-ci il məzunları Böyük Britaniyanın nüfuzlu Edinburq Universitetinə qəbul olublar.
Gencexeber.az-ın məlumatına görə, liseyin məzunu, informatika üzrə Respublika Fənn Olimpiadalarının üçqat qalibi və Avropa Qızlar İnformatika Olimpiadasının mükafatçısı Ayan Kərimova Edinburq Universitetinin Proqram təminatı mühəndisliyi fakültəsində təhsil alacaq.
FRİTL-in digər məzunu, informatika üzrə Respublika Fənn Olimpiadalarının ikiqat qalibi Alim Hacıyev isə həmin universitetin Kompüter elmləri və riyaziyyat fakültəsinə qəbul olunub.
Hər iki məzun "Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı" çərçivəsində dövlət hesabına təhsil alacaqlar.
