Gəncəli idmançılar Şotokan Karate-do üzrə Respublika çempionatında uğur qazanıblar.
Gencexeber.az-ın məlumatına görə, 13-14 sentyabr tarixlərində Bakıda Şotokan Karate-do üzrə 33-cü Respublika birinciliyi keçirilib. Yarışda Gəncə şəhər 2 nömrəli Uşaq-Gənclər İdman-Şahmat Məktəbinin idmançıları da iştirak edərək yüksək nəticələr əldə ediblər.
İdmançıların adları və qazandıqları nailiyyətləri aşağıda qeyd edilib:
- Abdullayeva Aytəkin – 12-13 yaş, 42 kq çəki dərəcəsi, 1-ci yer;
- Xanızadə Aydan – 12-13 yaş, 50 kq çəki dərəcəsi, 1-ci yer;
- Quluzadə Aqşin – 14-15 yaş, 40 kq çəki dərəcəsi, 1-ci yer;
- Mustafayev Əli – 10-11 yaş, 26 kq çəki dərəcəsi, 2-ci yer;
- Zamanov Məhəmməd – 10-11 yaş, 45 kq çəki dərəcəsi, 2-ci yer.
İdmançıların hazırlığına məşqçi Ramiz İbrahimov rəhbərlik edib.
Bu nəticələr Gəncə idmançılarının karate üzrə ölkə səviyyəsində yüksək rəqabət qabiliyyətinə sahib olduqlarını bir daha təsdiqləyir.
