Azərbaycan güləşçisi Hüseyn İsmayılov Yunanıstanın paytaxtı Afinada keçirilən U-17 dünya çempionatında finala yüksəlib.
Gencexeber.az məlumat verir ki, o, əvvəlcə kanadalı Liam Qortonu üstələyib - 4:2. Gəncə güləş məktəbinin yetirməsi 1/8 finalda yunanıstanlı Konstantinos Mixailidisə heç bir şans tanımayıb - 11:0.
İsmayılov daha sonra qırğızıstanlı Adisbek Altınbekovu çətinliklə də olsa, yolundan kənarlaşdırıb - 2:1. Yarımfinalda isə Hüseyn qazaxıstanlı Yerali Askerbekdən güclü olub - 3:1.
Milli üzvü sabah finalda amerikalı Arseni Kikinyovla güləşəcək.
Qeyd edək ki, Hüseyn İsmayılov 2008-ci ildə Gəncə şəhərində anadan olub. Nəriman Nərimanov adına 25 nömrəli tam orta məktəbinin məzunudur. O, keçən il keçirilən Avropa çempionatının gümüş medalçısıdır. Bundan başqa İordaniyanın paytaxtı Amman şəhərində 17 yaşadək güləşçilər arasına təşkil edilən Dünya çempionatından da əliboş qayıtmayıb. Eyni uğur həmin yarışda da təkrarlanıb və o, ölkəmizə ikinci gümüş medalı gətirib.
