27 iyul – 3 avqust 2025-ci il tarixlərində Yunanıstanın paytaxtı Afinada keçirilən U-17 sərbəst güləş üzrə Dünya çempionatında 65 kq çəki dərəcəsində qızıl medal qazanan gəncəli idmançı Hüseyn İsmayılovla görüş təşkil olunub.
Gencexeber.az məlumat verir ki, tədbir Gəncə-Daşkəsən Regional Gənclər və İdman İdarəsində baş tutub. İdarənin rəisi Elvin Quliyev dünya çempionu Hüseyn İsmayılov və onun məşqçi-müəllimi Səbuhi Məmmədovu qəbul edib.
Tədbirdə Elvin Quliyev idmançını və məşqçisini uğurlar münasibətilə təbrik edərək onlara Fəxri Fərman təqdim edib. O, gənc güləşçiyə gələcək beynəlxalq yarışlarda yeni qələbələr arzulayıb.
Qeyd edək ki, Hüseyn İsmayılov U-17 Dünya birinciliyində göstərdiyi yüksək nəticə ilə Azərbaycanın sərbəst güləş tarixində mühüm nailiyyətlərdən birinə imza atıb.
