Şimali Makedoniyanın paytaxtı Skopye şəhərində gənclər arasında cüdo üzrə Avropa Kuboku yarışı keçirilib.
Gencexeber.az məlumat verir ki, yarışda Azərbaycanı təmsil edən "Təhsil" Respublika İdman Mərkəzinin Gəncə şəhər 1 nömrəli UGİŞM-nin cüdo bölməsinin yetirməsi Fərid Qarayev uğurlu çıxışı ilə yadda qalıb.
60 kiloqram çəki dərəcəsində tatami üzərinə çıxan idmançı bütün rəqiblərini məğlub edərək finala yüksəlib. Sonuncu qarşılaşmasında məğlub olan F.Qarayev yarışın yekununda gümüş medala layiq görülüb.
Qeyd edək ki, Fərid Qarayevi bu yarışa məşqçi-müəllim Hüseyn Allahverdiyev hazırlayıb.
