Türkiyənin Alanya şəhərində barmenlər arasında çoxsaylı iştirakçının qatıldığı beynəlxalq yarış keçirilib.
Gencexeber.az-ın məlumatına görə, Gəncə şəhər sakini Rəsul Hüseynli yarışmada iştirak edən 600 nəfər arasında fərqlənərək diqqət mərkəzinə düşüb. O, özünəməxsus içki menyusu ilə münsiflərin rəğbətini qazanıb və final mərhələsinə yüksələrək 4-cü yerə layiq görülüb.
Rəsul Hüseynli iki medal və bir neçə sertifikatla təltif olunub.
Qeyd edək ki, Rəsul Hüseynli 1996-cı il iyunun 21-də Gəncə şəhərində dünyaya göz açıb. Mehdi Mehdizadə adına 4 nömrəli tam orta məktəbi bitirib. Ailəlidir, bir oğlu var. Peşəsinə olan bağlılığı və yaradıcılığı sayəsində hazırda Türkiyədə müxtəlif hotellərdən aldığı dəvətlərlə fəaliyyətini davam etdirir.
