Gəncəli tanınmış aparıcı Nərgiz Əhmədqızı yeni televiziya layihəsinə dəvət olunub.
Gencexeber.az-ın məlumatına görə, o, Azərbaycanda 12 ildir davam edən məşhur "Qız Atası" serialında Nərmin obrazını canlandıracaq. Bu, onun tamaşaçılar qarşısında yeni ampluada çıxışı olacaq.
Qeyd edək ki, uzun illər ARB TV və Kəpəz TV-də xəbər aparıcısı olan Nərgiz xanım AzTV-nin əməkdaşı, "Tərəqqi" medallı, "Qızıl qələm" və Həsən bəy Zərdabi mükafatları laureatı Əhməd Qədiroğlunun qızıdır. O, həmçinin Azərbaycan himninin sözlərinin müəllifi olan dahi şairimiz - Əhməd Cavadın kötücəsidir.
Xatırladaq ki, Nərgiz Əhmədqızı 2022-ci ildə dünyaya gətirdiyi üçüncü övladına şəhid Rəşad Ələkbərovun adını verərək cəmiyyətə mənəvi nümunə göstərmişdi.
