Gəncədan olan gənclər Azərbaycana qonaq gələn turistə vətənimiz haqda danışıblar. Bu haqda 13 aprel tarixində Burak Durqunun rəsmi Youtube səhifəsinə istinadən xəbər veririk.
Qardaş ölkə Türkiyədən olan səyyah Burak Durqun ölkəmizə səfər edib. Qonaq şəhərimizi dolaşarkən Nizami yurdunun iki gəncinə rast gəlib.
Əli və Nihat Azərbaycanın tarixi, ədəbiyyatı barədə vacib məqamları türkiyəli səyyahın diqqətinə çatdırıblar. Onlar Şirvanşahlar dövləti, Şirvanşahlar qalası, İçərişəhər haqqında bəhs ediblər. Daha sonra xeyriyyəçi Hacı Zeynalabdin Tağıyevin həyatından və şair Mirzə Ələkbər Sabirin yaradıcılığından məlumat veriblər. Satirik şairin yaradıcılığından söz açan gənclər onun “Əkinçi” şeirindən də sitat gətiriblər.
Səyyah Burak Durqun Vətənimizə gəldiyindən məmnun olduğunu qeyd edib. O, gənclərə öz təşəkkürünü bildirərək yoluna davam edib.
