Özbəkistanın paytaxtı Daşkənd şəhərində savat üzrə Gənclərin Dünya Çempionatı və Yeniyetmələrin Dünya Kuboku keçirilib.
Gencexeber.az məlumat verir ki, yarışda ölkəmizi təmsil edən milli komandanın tərkibində Göygöl rayon İrəvan İdman Mərkəzinin Savat bölməsinin üç idmançısı da iştirak edib. Onlar nüfuzlu beynəlxalq turnirdə yüksək nəticələr göstərərək fərqləniblər.
Gənclərin Dünya Çempionatı çərçivəsində Məhəmməd Məmmədli 56 kiloqram çəki dərəcəsində bürünc medal qazanıb. Yeniyetmələrin Dünya Kuboku yarışında isə Raul Hüseynzadə 30 kiloqram çəki dərəcəsində bütün rəqiblərinə qalib gələrək birinci yerə layiq görülüb. İbrahim İbrahimli isə 36 kiloqram çəki dərəcəsində bürünc əldə edib.
