Gəncədə bir neçə gün öncə 29 nömrəli tam orta məktəbin ərtafında antisanitar vəziyyətin yaranması ilə bağlı məlumat vermişdik.
Gencexeber.az-ın məlumatına əsasən, problem işıqlandırıldıqdan sonra aidiyyəti qurum tərəfindən əraziyə baxış keçirilib. Gəncə şəhər Mənzil Kommunal Təsərrüfatı İstehsalat Birliyi tərəfindən bildirilib ki, Azərbaycan və Atabəylər küçələrində, eləcə də sözügedən məktəbin ətrafında iməcilik aksiyası keçirilib.
“Qurumun canlı qüvvəsi və texnikası vasitəsilə adıçəkilən ərazilər məişət tullantılarından, alaq otlarından, eləcə də toz-torpaqdan təmizlənib. Kol-kos basmış yerlər biçilib, qazon və yaşıllıqlara aqrotexniki qulluq göstərilib. Bundan başqa həmin ünvanlarda mövcud olan konteynerlərin ətrafı məişət və digər tullantılardan təmizlənib”.
Qeyd edək ki, MKTİB ərazinin sakinlər və məktəb tərəfindən çirkəndirildiyini bildirərək onlardan məişət və digər tullantıları təyin olunan yerlərə atmalarını xahiş edib.
[modula id="64723"]
