Gəncədə qadın keçmiş həyat yoldaşı tərəfindən marketdə qətlə yetirilib. Bu haqda Gencexeber.az bu gün, 21 mart tarixində xəbər verir.
Hadisə Məhsəti qəsəbəsində yerləşən “Oba market”də qeydə alınıb. Belə ki, 28 yaşlı Züleyxa Şirinova keçmiş həyat yoldaşı Ruslan Şirinov tərəfindən çoxsaylı bıçaq xəsarətləri alıb.
Qadın xəstəxanaya yerləşdirilsə də, onun həyatını xilas etmək mümkün olmayıb.
Faktla bağlı Gəncə Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ruslan Şirinov şübhəli şəxs qismində saxlanılıb.
Qeyd edək ki, Züleyxa Şirinova ilə Ruslan Şirinov ailəli olublar. Onlar 3 il öncə ayrılıblar. Hadisəyə Z.Şirinovanın keçmiş həyat yoldaşı ilə barışmamasının səbəb olduğu söylənilir.
Z.Şirinova “Oba market”də işləyib. Onların birgə nikahdan 3 övladı olub.
