Gəncədə küçələrdən birində antisanitar vəziyyət yaranıb.
Sakinlərdən Gencexeber.az-a daxil olan məlumata əsasən, sözügedən hal uzun illərdir K.D.Uşinski adına 29 nömrəli tam orta məktəbin ərtafında müşahidə olunur.
Redaksiyamıza göndərilən görüntülərdə ərazinin məişət və digər mənşəli tullantılarla çirkləndiyi əks edilib. Şikayətçilərin sözlərinə görə, həmin yerdə üfunətdən dayanmaq olmur. Valideyinlər bildiriblər ki, yeni tədris ilinin başlamasına sayılı günlər qalıb və onlar bu vəziyyətdən narahatdırlar:
“Bir neçə gündən sonra uşaqlarımız bu biabırçılığın içindən keçərək məktəbə gedəcəklər. İy-qoxudan orada hərəkət etmək olmur”.
Xatırladaq ki, Gencexeber.az sözügedən məsələni dəfələrlə işıqlandırıb. Narahatedici məqam ondan ibarətdir ki, bu problem yazı dərc edildikdən sonra aidiyyəti qurum tərəfindən aradan qaldırılsa da, bənzər hal mütəmadi olaraq təkrarlanır.
