Gəncənin mərkəzində yerləşən Çökək Hamamdan Vego otelə pul ödəmədən istifadə etmək mümkün deyil. Bu haqda müxbirimiz 5 avqustda məlumat verib.
17-ci əsrə aid tarixi memarlıq abidəsinin üzərindəki lövhədə dövlət tərəfindən qorunduğu yazılsa da, şəhər sakinlərinin üzünə bağlıdır. Hamama giriş otelin içindən tikilmiş yeraltı tuneldən mümkündür. Otel sakinləri 15, digər şəxslər isə 30 manat ödəməklə hamamda çimə bilərlər.
"Çökək hamam" 1606-cı ildə memar Şeyx Bahəddin Məhəmməd Amilin layihəsi əsasında inşa edilib. Onun "Çökək hamam" adlandırılması texniki quruluşdan irəli gəlir. Suyun təzyiqini təmin etmək üçün hamam çökəkdə inşa edilib. Binanın tikintisində gil-əhəng qatışığı və qırmızı kərpicdən istifadə olunub. Bina günbəzlidir. Hamam 2013-cü ildə təmir olunub.
Vego otel 2014-cü ildə istifadəyə verilib. Açılışda prezident İlham Əliyev iştirak edib.
[caption id="attachment_781" align="alignnone" width="300"]
Foto Gencexeber.az[/caption]
[caption id="attachment_782" align="alignnone" width="225"]
Foto Gencexeber.az[/caption]
[caption id="attachment_783" align="alignnone" width="225"]
Foto Gencexeber.az[/caption]
