"Turan Tovuz" - "Sabah" oyununda ağır zədə alaraq oyunu tərk edən futbolçu Denis Marandiçinin əməliyyatı ölkə xaricində keçirilə bilər.
Gencexeber.az bildirir ki, bu barədə "Turan Tovuz" məlumat yayıb.
Məlumata əsasən, zədələnən futbolçu dərhal Tovuz Rayon Mərkəzi Xəstəxanasına çatdırılıb.
Zədəsi ağır olduğundan Denis Marandiçi ilkin təcili yardımdan sonra Mərkəzi Klinika Gəncə Xəstəxanasına çatdırılıb. Fibula sümüyünün tam yerini dəyişmiş sınığı və tibia sümüyünün yerdəyişməmiş sınığı aşkarlanan futbolçunun ayağı gipsə qoyulub.
Klub həkiminin və xəstəxananın rəyinə əsasən, futbolçunun Bakı şəhərində əməliyyat olunması nəzərdə tutulub.
Qeyd olunub ki, əməliyyatın vaxtı ayağa toplanan hematomanın sovrulmasından sonra mümkün olacaq. Ehtiyac duyularsa futbolçunun əməliyyatı ölkə xaricində həyata keçiriləcək.
