Futbol üzrə Azərbaycan Kuboku çərçivəsində "Turan Tovuz" - “Hypers Guba” matçı baş tutub.
Gencexeber.az məlumat verir ki, Tovuz şəhər stadionunda keçirilən II təsnifat mərhələsinin oyununda meydan sahibləri 7:2 hesablı qələbə qazanıblar.
Belə ki, 15-ci dəqiqədə “Hypers Guba”nın heyətində Ramil Əhmədov avtoqol vurub. "Turan Tovuz"un digər qollarını Ayxan Quseynov (17, 25), Aleks Souza (38, 39), Sadiq Quliyev (56) və Nahid Əliyev (60) rəqib qapısından keçiriblər.
Şimal təmsilçisinin heyətində isə İlqar Ələkbərov 64 və 68-ci dəqiqələrdə dubl müəllifi olub.
Qeyd edək ki, "Turan Tovuz"un 1/8 finaldakı rəqibi "Sabah" olacaq.
