Tovuzun futbol təmsilçisi yubiley qolunu vurub.
Gencexeber.az “Turan Tovuz”un mətbuat xidmətinə istinadən məlumat verir ki, 100-cü qol Premyer Liqanın VIII turunda "Şamaxı” ilə matça təsadüf edib. 2:2 hesabı ilə yekunlaşan görüşdə sonuncu qolun müəllifi olan Kristian da Silva tovuzluların yubiley topuna imza atıb.
Premyer Liqada 3-cü mövsümünü keçirən "Turan Tovuz” 100-cü qolu 80-ci oyununda vurub. Klub evdə 55, səfərdə isə 45 dəfə fərqlənib.
Qeyd edək ki, "Turan Tovuz” ölkə çempionatları tarixində 100 və daha çox qol vuran 32-ci komandadır.
