Qabırrı çayının Samux rayonunun Gürcüstanla həmsərhəd olan Burunqovaq, Poylu, Kəsəmən, Salahlı və Qarablı kəndləri ərazisindən keçən 7 kilometrlik hissəsində daşqınların qarşısının alınması məqsədilə sahil bərkitmə işləri görülür.
Gencexeber.az Samux Rayon İcra Hakimiyyətinə istinadən məlumat verir ki, çayın ətrafında uzun müddətdir formalaşan bitki örtüyü, lillər ağır texnikalar vasitəsi ilə təmizlənir və çay yatağının dibi genişləndirilir. Salahı kəndi üzrə 1 kilometr ərazidə lildən təmizləmə və sahil bərkitmə işləri görülüb. Burunqovaq kəndi ərazisində isə 6 kilometr məsafədə çay boyu lildən təmizləmə və sahil bərkitmə işləri həyata keçirilib. Sentyabrın sonuna qədər daha 2 kilometr ərazi təmizlənəcək.
