"Şəmkir Regional Kənd Təsərrüfatı" gömrük qaydalarını pozduğuna görə (Xarici valyuta vəsaitlərinin xaricdən qaytarılmaması) cərimə oluna bilər.
Fed.аz xəbər verir ki, şirkət barəsində İnzibati Xətalar Məcəlləsinin 483-cü maddəsi ilə protokol tərtib olunub. Maddəyə görə, xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə nəzərdə tutulub.
Qeyd: Məcəllənin 483-cü maddəsində “az miqdarda” ifadəsi iyirmi min manatadək olan məbləği əhatə edir.
İş Xaçmaz Rayon Məhkəməsinin hakimi Nərmin Abiyevanın icraatındadır.
