“Yaşıl dünya naminə həmrəylik ili” çərçivəsində Gəncə şəhərinin yaşıllıq zolağı genişləndirilir.
Gencexeber.az Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, qurum tərəfindən H.Əliyev, Nizami prospektlərində yol dairələrinə, həmçinin Gəncənin qərb istiqamətindən girişində mövsümü güllərin əkini işləri həyata keçirilib.
MKTİB canlı qüvvəsinin və texnikalarının cəlb olunduğu aksiyada güllərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib. Yaşıllaşdırma aksiyası çərçivəsində mövcud yaşıllıq zolağına aqrotexniki qulluq göstərilib, suvarılması təmin edilib.
